അഖിലാണ്ഡമണ്ഡലമണിയിച്ചൊരുക്കി

അഖിലാണ്ഡമണ്ഡലമണിയിച്ചൊരുക്കി
അതിനുള്ളിലാനന്ദ ദിപം കൊളുത്തി
പരമാണു പൊരുളിലും സ്ഥുരണമായ് മിന്നും
പരമ പ്രകാശമേ ശരണം നീ എന്നും

സുരഗോള ലക്ഷങ്ങൾ അണിയിട്ടു നിർത്തി
അവികല സൗഹൃദ ബന്ധം പുലർത്തി
അതിനൊക്കെ ആധാര സൂത്ര മിണക്കി
കുടി കൊള്ളും സത്യമേ ശരണം നി എന്നും

ദുരിതങ്ങൾ കൂത്താടും ഉലകത്തിൽ നിന്റെ
പരിപൂർണ തേജസ്സു
വിളയാടി കാണ്മാൻ
ഒരു ജാതി ഒരു മതം ഒരു ദൈവമേവും
പരിശുദ്ധ വേദാന്തം സഫലമായ്ത്തീരാൻ

അഖിലാദിനായക തവ തിരുമുമ്പിൽ
അഭയമായ് നിത്യവും പണിയുന്നു ഞങ്ങൾ
സമരാദി തൃഷ്ണകളാകവേ നിങ്ങി സമതയും ശാന്തിയും ക്ഷേമവും തിങ്ങി

ജനതയും ജനതയും കൈകോർത്തിണങ്ങി
ജനതാ സൗഭാഗ്യങ്ങൾ ഗിതം മുഴങ്ങി
ജനലോകം എപ്പോഴും ആനന്ദം തേടി
വിജയിക്ക നിൻ തിരുനാമങ്ങൾ പാടി
               ( അഖിലാണ്ഡ  ....)