ആദിത്യസ്തോത്രം
*ആദിത്യസ്തോത്രം*
ⓂⓂⓂⓂⓂⓂⓂ
വിസ്താരായാമമാനം ദശഭിരുപഗതോ യോജനാനാം സഹസ്രൈഃ ചക്രേ പഞ്ചാരനാഭിത്രിതയവതി ലസന് നേമിഷട്കേ നിവിഷ്ടഃ സപ്തച്ഛന്ദസ്തുരംഗാഹിതവഹനധുരോ ഹായനാംശത്രിവര്ഗ വ്യക്താകൢപ്താഖിലാംഗഃ സ്ഫുരതു മമ പുരഃ സ്യന്ദനശ്ചണ്ഡഭാനോഃ ആദിത്യൈരപ്സരോഭിര്മുനിഭിരഹിവരൈര്ഗ്രാമണീയാതുധാനൈഃ ഗന്ധര്വൈര്വാലഖില്യൈഃ പരിവൃതദശമാംശസ്യ കൃത്സ്നം രഥസ്യ
മധ്യം വ്യാപ്യാധിതിഷ്ഠന് മണിരിവ നഭസോ മണ്ഡലശ്ചണ്ഡരശ്മേഃ ബ്രഹ്മജ്യോതിര്വിവര്തഃ ശ്രുതിനികരഘനീഭാവരൂപഃ സമിന്ധേ നിര്ഗച്ഛന്തോഽര്കബിംബാന് നിഖിലജനിഭൃതാം ഹാര്ദനാഡീപ്രവിഷ്ടാഃ നാഡ്യോ വസ്വാദിബൃന്ദാരകഗണമധുനസ്തസ്യ നാനാദിഗുത്ഥാഃ । വര്ഷന്തസ്തോയമുഷ്ണം തുഹിനമപി ജലാന്യാപിബന്തഃ സമന്താത് പിത്രാദീനാം സ്വധൌഷധ്യമൃതരസകൃതോ ഭാന്തി കാന്തിപ്രരോഹാഃ ശ്രേഷ്ഠാസ്തേഷാം സഹസ്രേ ത്രിദിവവസുധയോഃ പഞ്ചദിഗ്വ്യാപ്തിഭാജാം ശുഭ്രാംശും താരകൌഘം ശശിതനയമുഖാന് പഞ്ച ചോദ്ഭാസയന്തഃ ആരോഗോ ഭ്രാജമുഖ്യാസ്ത്രിഭുവനദഹനേ സപ്തസൂര്യാ ഭവന്തഃ സര്വാന് വ്യാധീന് സുഷുംനാപ്രഭൃതയ ഇഹ മേ സൂര്യപാദാഃ ക്ഷിപന്തു ആദിത്യാനാശ്രിതാഃ ഷണ്ണവതിഗുണസഹസ്രാന്വിതാ രശ്മയോഽന്യേ മാസേ മാസേ വിഭക്താസ്ത്രിഭുവനഭവനം പാവയന്തഃ സ്ഫുരന്തി
യേഷാം ഭുവ്യപ്രചാരേ ജഗദവനകൃതാം സപ്തരശ്യുത്ഥിതാനാം സംസര്പേ ചാധിമാസേ വ്രതയജനമുഖാഃ സത്ക്രിയാഃ ന ക്രിയന്തേ
ആദിത്യം മണ്ഡലാന്തഃസ്ഫുരദരുണവപുസ്തേജസാ വ്യാപ്തവിശ്വം പ്രാതര്മധ്യാഹ്നസായം സമയവിഭജനാദൃഗ്യജുസ്സാമസേവ്യം
പ്രാപ്യം ച പ്രാപകം ച പ്രഥിതമതിപഥിജ്ഞാനിനാമുത്തരസ്മിന് സാക്ഷാദ് ബ്രഹ്മേത്യുപാസ്യം സകലഭയഹരാഭ്യുദ്ഗമം സംശ്രയാമി യച്ഛക്ത്യാഽധിഷ്ഠിതാനാം തപനഹിമജലോത്സര്ജനാദിര്ജഗത്യാം ആദിത്യാനാമശേഷഃ പ്രഭവതി നിയതഃ സ്വസ്വമാസാധികാരഃ യത് പ്രാധാന്യം വ്യനക്തി സ്വയമപി ഭഗവാന് ദ്വാദശസ്തേഷു ഭൂത്വാ തം ത്രൈലോക്യസ്യ മൂലം പ്രണമത പരമം ദൈവതം സപ്തസപ്തിം സ്വഃസ്ത്രീഗന്ധര്വയക്ഷാ മുനിവരഭുജഗാ യാതുധാനാശ്ച നിത്യം നൃത്തൈര്ഗീതൈരഭീശുഗ്രഹനുതിവഹനൈരഗ്രതഃ സേവയാ ച യസ്യ പ്രീതിം വിതന്വന്ത്യമിതപരികരാ ദ്വാദശ ദ്വാദശൈതേ ഹൃദ്യാഭിര്വാലഖില്യാഃ സരണിഭണിതിഭിസ്തം ഭജേ ലോകബന്ധും ബ്രഹ്മാണ്ഡേ യസ്യ ജന്മോദിതമുഷസി പരബ്രഹ്മമുഖ്യാത്മജസ്യ ധ്യേയം രൂപം ശിരോദോശ്ചരണപദജുഷാ വ്യാഹൃതീനാം ത്രയേണ തത് സത്യം ബ്രഹ്മ പശ്യാംയഹരഹമഭിധം നിത്യമാദിത്യരൂപം ഭൂതാനാം ഭൂനഭസ്സ്വഃ പ്രഭൃതിഷു വസതാം പ്രാണസൂക്ഷ്മാംശമേകം
ആദിത്യേ ലോകചക്ഷുഷ്യവഹിതമനസാം യോഗിനാം ദൃശ്യമന്തഃ സ്വച്ഛസ്വര്ണാഭമൂര്തിം വിദലിതനലിനോദാരദൃശ്യാക്ഷിയുഗ്മം ഋക്സാമോദ്ഗാനഗേഷ്ണം നിരതിശയലസല്ലോകകാമേശഭാവം സര്വാവദ്യോദിതത്വാദുദിതസമുദിതം ബ്രഹ്മ ശംഭും പ്രപദ്യേ ഓമിത്യുദ്ഗീഥഭക്തേരവയവപദവീം പ്രാപ്തവത്യക്ഷരേഽസ്മിന് യസ്യോപാസ്തിഃ സമസ്തം ദുരിതമപനയത്വര്കബിംബേ സ്ഥിതസ്യ
യത് പൂജൈകപ്രധാനാന്യഘമഖിലമപി ഘ്നന്തി കൃച്ഛ്രവ്രതാനി ധ്യാതഃ സര്വോപതാപാന് ഹരതു പരശിവഃ സോഽയമാദ്യോ ഭിഷങ്നഃ
ആദിത്യേ മണ്ഡലാര്ചിഃ പുരുഷവിഭിദയാദ്യന്തമധ്യാഗമാത്മ- ന്യാഗോപാലാംഗനാഭ്യോ നയനപഥജുഷാ ജ്യോതിഷാ ദീപ്യമാനം ഗായത്രീമന്ത്രസേവ്യം നിഖിലജനധിയാം പ്രേരകം വിശ്വരൂപം നീലഗ്രീവം ത്രിനേ(ണേ)ത്രം ശിവമനിശമുമാവല്ലഭം സംശ്രയാമി അഭ്രാകല്പഃ ശതാങ്ഗഃ സ്ഥിരഫണിതിമയം മണ്ഡലം രശ്മിഭേദാഃ സാഹസ്രാസ്തേഷു സപ്ത ശ്രുതിഭിരഭിഹിതാഃ കിഞ്ചിദൂനാശ്ച ലക്ഷാഃ ഏകൈകേഷാം ചതസ്രസ്തദനു ദിനമണേരാദിദേവസ്യ തിസ്രഃ കൢപ്താഃ തത്തത്പ്രഭാവപ്രകടനമഹിതാഃ സ്രഗ്ധരാ ദ്വാദശൈതാഃ ദുഃസ്വപ്നം ദുര്നിമിത്തം ദുരിതമഖിലമപ്യാമയാനപ്യസാധ്യാന് ദോഷാന് ദുഃസ്ഥാനസംസ്ഥഗ്രഹഗണജനിതാന് ദുഷ്ടഭൂതാന് ഗ്രഹാദീന് നിര്ധൂനോതി സ്ഥിരാം ച ശ്രിയമിഹ ലഭതേ മുക്തിമഭ്യേതി ചാന്തേ സങ്കീര്ത്യ സ്തോത്രരത്നം സകൃദപി മനുജഃ പ്രത്യഹം പത്യുരഹ്നാം
0 comments:
Post a Comment