ഹിന്ദു പുരാണവും ഐതീഹ്യവും കഥകളും

ശിവഗണങ്ങൾ  ഹൈന്ദവ വിശ്വാസമനുസരിച്ച്, പരമശിവന്റെ പരിവാരങ്ങളെയും അനുചരന്മാരെയും സൈന്യത്തെയും പൊതുവായി വിശേഷിപ്പിക്കുന്ന പേരാണ് ശിവഗണങ്ങൾ (Shivaganangal). കൈലാസപർവതത്തിൽ ശിവനോടൊപ്പം വസിക്കുകയും അദ്ദേഹത്തിന്റെ ആജ്ഞകൾ ശിരസാവഹിച്ച് അനുസരിക്കുകയും ചെയ്യുന്നവരാണ് ഇവർ. ഓരോ ശിവക്ഷേത്രത്തിലും ശിവഗണങ്ങളെ പ്രതിനിധീകരിക്കുന്ന രൂപങ്ങൾ കാണാൻ സാധിക്കും. ശിവഗണങ്ങൾ എന്നതുകൊണ്ട് പ്രധാനമായും താഴെ പറയുന്നവരെയാണ് ഉദ്ദേശിക്കുന്നത്: ഗണപതി (വിനായകൻ): ശിവഗണങ്ങളുടെയെല്ലാം അധിപനും സർവ്വാധ്യക്ഷനുമാണ് ഗണപതി. 'ഗണപതി' എന്ന പേരിന്റെ അർത്ഥം തന്നെ 'ഗണങ്ങളുടെ പതി' അഥവാ 'ഗണങ്ങളുടെ നായകൻ' എന്നാണ്. ഏതൊരു ശുഭകാര്യത്തിനും ഗണപതിയെ ആദ്യം വന്ദിക്കുന്നത് ശിവഗണങ്ങളുടെ അനുഗ്രഹം ലഭിക്കുന്നതിന് തുല്യമായി കണക്കാക്കപ്പെടുന്നു. ശിവനും പാർവതിക്കും പുത്രനായ ഗണപതിക്ക് വിഘ്നേശ്വരൻ, ഗജാനനൻ, ലംബോദരൻ, ഏകദന്തൻ തുടങ്ങി നിരവധി പേരുകളുണ്ട്. നന്ദി (നന്ദികേശ്വരൻ): ശിവന്റെ പ്രധാന വാഹനവും പരമഭക്തനുമാണ് നന്ദികേശ്വരൻ. കൈലാസത്തിലെ ശിവന്റെ പ്രവേശന കവാടത്തിൽ നന്ദി കാവൽ നിൽക്കുന്നു എന്നാണ് സങ്കൽപ്പം. ശിവക്ഷേത്രങ്ങളിൽ ശിവലിംഗത്തിന് ...

*ഏകാദശികളിൽ പ്രധാനമായ ഗുരുവായൂർ ഏകാദശി വ്രതം..* ഏകാദശികളിൽ പ്രധാനമാണ് വൃശ്ചിക മാസത്തിലെ ഗുരുവായൂർ ഏകാദശി. ദശമി - ഏകാദശി - ദ്വാദശി എന്നീ തിഥികൾ വരുന്ന 3 ദിവസങ്ങളിലായി നീണ്ടു കിടക്കുന്നതാണ് ഏകാദശി വ്രതം.    വൃശ്ചിക മാസത്തിലെ ഏകാദശി ദിനത്തിലാണ് ഗുരുവായൂരപ്പന്റെ പ്രതിഷ്ഠ നടത്തിയത് അതിനാൽ ഗുരുവായൂർ ഏകാദശി ഗുരുവായൂർ പ്രതിഷ്ഠാദിനമായും കണക്കാക്കപ്പെടുന്നു. കൂടാതെ ഭഗവാൻ ഗീതോപദേശം നൽകിയ ദിനം കൂടിയാണിത്.  *വൃശ്ചികത്തിലെ ശുക്ലപക്ഷ ഏകാദശിയായ ഡിസംബർ 11നാണ് ഏകാദശി.*  ഭഗവാൻ മഹാവിഷ്ണു ദേവീദേവന്മാരോടൊപ്പം ഗുരുവായൂർക്കെഴുന്നെള്ളുന്ന ദിനമാണിതെന്നാണ് വിശ്വാസം. അതിനാൽ അന്നേദിവസം ക്ഷേത്രത്തിൽ എത്താൻ കഴിയുന്നതുപോലും സുകൃതമാണ്.   ഏകാദശി വ്രതത്തിന്റെ ഫലങ്ങൾ എണ്ണിയാൽ തീരാത്തത്രയാണ്. വിഷ്ണു പ്രീതിയും അതിലൂടെ സർവ ഐശ്വര്യവും മോക്ഷം ‌ലഭിക്കാനും ഏറ്റവും ഉത്തമ മാർഗ്ഗമാണ് ഏകാദശി വ്രതം. ഏകാഗ്രതയോടും തികഞ്ഞ ഭക്തിയോടു കൂടി വ്രതമനുഷ്ഠിച്ചാൽ മാത്രമേ പൂർണഫലം ലഭിക്കുകയുളളൂ. ജാതകവശാൽ വ്യാഴം അനുകൂലമല്ലാത്തവർക്കു ദോഷകാഠിന്യം കുറയ്ക്കാൻ ഈ വ്രതാനുഷ്ഠാനം ഉത്തമമാണ്. *വ്രതാനുഷ്ഠാനം ഇങ്ങനെ* ഏ...

🌸അക്ഷമാല🌸 🌸മഹാത്രിപുരസുന്ദരിയുടെ മഹാകാളീരൂപംചിത്രങ്ങളില്‍ക്കൂടി ദര്‍ശിച്ചിട്ടുള്ളവര്‍ക്ക് ശ്രീകാളിയുടെ കഴുത്തിലണിഞ്ഞിരിക്കുന്നഅസ്സുരശിരസ്സുകളോടുകൂടിയ മാല ഓര്‍മ്മവരും. 51 ശിരസ്സുകളാണ് ആ മാലയിലുള്ളത്. അ എന്നഅക്ഷരം മുതല്‍ ക്ഷ എന്ന അക്ഷരം വരെയുള്ള 51 അക്ഷരങ്ങളെയാണ് ആ മാലപ്രതിനിധീകരിക്കുന്നത്. അതുകൊണ്ട് 'അക്ഷ'മാലഎന്ന പേരുണ്ടായി. സ്വരങ്ങളുംവ്യഞ്ജനങ്ങളുമുള്‍പ്പെടെയുള്ള അമ്പത് അക്ഷരങ്ങള്‍കൂടാതെ ക്ഷ എന്ന അക്ഷരം അമ്പത്തൊന്നാമതായിഈ മാലയുടെ മേരുവായി കല്‍പിക്കപ്പെട്ടിരിക്കുന്നു. 🌸ഷഡാധാരചക്രങ്ങളിലെ മൂലാധാരം, സ്വാധിഷ്ഠാനം, മണിപൂരകം, അനാഹതം, വിശുദ്ധി, ആജ്ഞ എന്നിവയാണ് ആ ആറ് ആധാരചക്രങ്ങള്‍. 🌸വിശുദ്ധി എന്ന ചക്രത്തിന് പതിനാറ് ദളങ്ങളുണ്ട്. ഓരോ ദളവും അ മുതല്‍ അഃ വരെയുള്ള പതിനാറ്സ്വരങ്ങളുടെ സ്പന്ദനങ്ങള്‍ഉള്‍ക്കൊണ്ടള്ളുന്നവയാണ്. 🌸താഴെയുള്ള അനാഹതചക്രത്തിന് പന്ത്രണ്ട്ദളങ്ങളുള്ളതില്‍ ഓരോദളവും അനുക്രമമായി കമുതല്‍ ഠ വരെയുള്ള പന്ത്രണ്ട് വ്യഞ്ജനങ്ങൾ 🌸മണിപൂരകം എന്ന ചക്രത്തിന് പത്ത്ദളങ്ങളുള്ളതില്‍ ഓരോ ദളവും ശേഷമുള്ള ഡ മുതല്‍ഫ വരെയുള്ള പത്ത് വ്യഞ്ജനങ്ങൾ 🌸സ്വാധിഷ്ഠാനമെന്ന അടുത്ത ചക്രത്തിന് ആറ...

ശിവപാർവതീ പുത്രനായ സുബ്രഹ്മണ്യ സ്വാമിക്ക് ഏറ്റവും പ്രാധാന്യമുള്ള ദിനമാണ് ഷഷ്ഠി ദിനം. എല്ലാ മലയാളമാസത്തിലെയും കറുത്തവാവിനുശേഷം വരുന്ന വെളുത്തപക്ഷ ഷഷ്ഠിയാണ് അനുഷ്ഠിക്കേണ്ടത്.   സുബ്രഹ്മണ്യ ക്ഷേത്രദർശനം നടത്തുന്നതും സുബ്രഹ്മണ്യ പ്രീതികരമായ മന്ത്രങ്ങൾ ജപിക്കുന്നതും ഉദ്ദിഷ്ടഫലദായകമാണ്. കുമാരസൂക്ത പുഷ്‌പാഞ്‌ജലി , നാരങ്ങാമാല എന്നിവ വഴിപാടായി സമർപ്പിക്കുന്നത് ഉത്തമം. ജ്യോതിശാസ്ത്രപ്രകാരം ചൊവ്വയുടെ ദേവതയാണ് സുബ്രഹ്മണ്യ സ്വാമി. ജാതകത്തില്‍ ചൊവ്വയുടെ സ്ഥാനം മേടം, മിഥുനം, ചിങ്ങം, തുലാം, ധനു, കുംഭം എന്നീ രാശികളില്‍ നില്‍ക്കുന്നവര്‍ക്കും, ലഗ്നം രണ്ടിലോ ഏഴിലോ എട്ടിലോ നില്‍ക്കുന്നവര്‍ക്കും, മകയിരം, ചിത്തിര, അവിട്ടം നക്ഷത്രക്കാരും ചൊവ്വാ പ്രീതി വരുത്തേണ്ടത് അനിവാര്യമാണ്. ഷഷ്ഠി ദിനത്തിൽ ഭഗവാന് സമർപ്പിക്കുന്ന ജപങ്ങൾക്കും പ്രാർഥനകൾക്കും വഴിപാടുകൾക്കും ഫലസിദ്ധിയേറും. സുബ്രഹ്മണ്യപ്രീതിക്കായി ഷഷ്ഠിദിനത്തിൽ അനുഷ്ഠിക്കുന്ന വ്രതമാണ് ഷഷ്ഠിവ്രതം. സത്സന്താനലബ്ധിക്കും സന്താനങ്ങളുടെ ക്ഷേമത്തിനും സർവൈശ്വര്യങ്ങൾക്കും സർവകാര്യസാധ്യത്തിനുമായാണ് ഷഷ്ഠിവ്രതം അനുഷ്ഠിക്കുന്നത്. ഷഷ്ഠിദിനത്തിനു 5 ദിവസം മുൻപേ വ്രതം ആരം...

       അസുരന്മാർ പാർവതിയുടെ മാനത്തിന് വില പറയുന്ന നേരത്ത് പാർവതി ശിവനോട് ചോദിക്കുന്നു,  "അങ്ങേയ്ക്ക് ഇത് കേൾക്കയിൽ ഒന്നും തോന്നുന്നില്ലേ? എന്തുകൊണ്ട് അവരോടു യുദ്ധം ചെയ്യുന്നില്ല ?" ശിവൻ " നിങ്ങൾ സ്ത്രീകൾക്ക് എന്തുകൊണ്ടാണ് എപ്പോഴും ഒരു പുരുഷനെ ആശ്രയിക്കേണ്ടി വരുന്നത് ? എന്തുകൊണ്ട് നിങ്ങൾക്ക് സ്വയം നിങ്ങളെ സംരക്ഷിക്കാൻ കഴിയുന്നില്ല ?  അന്നും തന്റെ ഉള്ളിൽ ഒളിഞ്ഞിരുന്ന കാളിയെ തിരിച്ചറിയാത്ത പാർവതി സങ്കടപ്പെടുകയും , ഒടുവിൽ അസുരന്മാർ യുദ്ധത്തിന് വരികയും,  "നാരി നീയാണോ എന്നോട് എതിർക്കാൻ വരുന്നത്?? നാരി എന്നാൽ പുരുഷന്റെ കിടക്കറയിലെ അലങ്കാരം മാത്രമാണ് എന്ന് പറയുകയും ചെയ്യുന്നു" കോപം കൊണ്ട പാർവതിയിൽ നിന്നും അവളറിയാതെ അന്തർമുഖിയായ കാളി രൂപംകൊള്ളുകയും , അസുരന്മാരെയൊക്കെയും വധിച്ച് മുന്നേറുന്ന അവസരത്തിൽ, രക്താസുരനെ വധിച്ചാൽ ഓരോ തുള്ളി രക്തത്തിൽ നിന്നും ഓരോ രക്തതാസുരന് ഉടലെടുക്കും എന്നതിനാൽ കാളി രക്തം മുഴുവനും പാനം ചെയ്യുകയും , ഒടുവിൽ അവളുടെ യുക്തി പ്രവർത്തന രഹിതമാകയിൽ, സ്വന്തം സേനയെ പോലും വധിക്കാൻ തുടങ്ങവേ; ഒടുവിൽ കോപം ശമിപ്പിക്കാൻ ശിവൻ സ്വയം തറയിൽ ശയി...

*📍❉ഏകാദശി❉📍* ജന്മ ജന്മാന്തരങ്ങളില്‍ ഏറ്റവും മഹത്വരമാണ് മനുഷ്യജന്മമെന്നും നരനെ നാരായണനാക്കുന്ന ആത്മീയ മാര്‍ഗ്ഗരേഖയാണ് വ്രതാനുഷ്ഠാനങ്ങളെന്നും ഹിന്ദുധര്‍മ്മശാസ്ത്രങ്ങള്‍ ഓര്‍മ്മിപ്പിക്കുന്നു വ്രതങ്ങള്‍ മനുഷ്യന് ആത്മീയവും ആദ്ധ്യാത്മികവുമായ അഭിവൃദ്ധിയും ഐശ്വര്യവും പ്രദാനം ചെയ്യുന്നതോടൊപ്പം മഹാവിഷ്ണു പ്രീതിയ്ക്ക് വളരെ ഉത്തമവുമാണ്. വ്രതങ്ങളില്‍ ശ്രേഷ്ഠം ഏകാദശിതന്നെയാണ്. ഒരു മാസത്തില്‍ കറുത്തവാവ് കഴിഞ്ഞ വരുന്ന ഏകാദശി വെളുത്തപക്ഷവും, വെളുത്തവാവു കഴിഞ്ഞു വരുന്ന ഏകാദശി കറുത്തപക്ഷവുമാണ്. വര്‍ഷത്തില്‍ 24 ഏകാദശികളുണ്ട്. 32 ചന്ദ്രവര്‍ഷം വരുമ്പോള്‍ ഒരു മാസം അധികമായി വരുന്നതിനാല്‍ ഇതുംകൂടി കണക്കിലെടുത്താല്‍ 26 ഏകാദശികളായി വരും. മഹാവിഷ്ണുവിന്റെ പരമപ്രീതി കരസ്ഥമാക്കുന്നതിനുള്ള ഒരു വര്‍ഷത്തെ ഏകാദശിവ്രതമാണിത്. ഇതിനെ സാംവല്‍സരികദ്വാദശി വ്രതമെന്നാണ് ബ്രഹത്‌നാരദപുരാണം വ്യക്തമാക്കുന്നത്. ഏകാദശിയും ദ്വാദശിയും സംഗമിക്കുന്ന മഹാപുണ്യദിനത്തില്‍ മഹാവിഷ്ണുവിന്റെ മുഖ്യസാന്നിദ്ധ്യമുണ്ടാകുമെന്നാണ് വിശ്വാസം. ഈ മഹാപുണ്യദിനത്തില്‍ യജ്ഞങ്ങളും മറ്റുപുണ്യകര്‍മ്മങ്ങളും അനുഷ്ഠിക്കുന്നത് വളരെ ഉത്തമം. ഒരു സംവത്സരത്ത...

    മഹാ മൃത്യുഞ്ജയ മന്ത്രത്തിന്റെ അർത്ഥം..!! ॐ त्र्यम्बकं यजामहे सुगन्धिं पुष्टिवर्धनम् | उर्वारुकमिव बन्धनान्मृत्योर्मुक्षीय माऽमृतात् || ॐ ത്രയംബകം യജാമഹേ  സുഗന്ധിം പുഷ്ടിവർധനം ।  ഉർവാരുകമിവ് ബന്ധനാൻ  മൃത്യോർമുക്ഷീയ മാമൃതാത് ॥ ഓം ത്ര്യംബകം യജാമഹെ സുഗന്ധിം പുഷ്ടി വര്‍ധനം ഉര്‍വാരുകമിവ ബന്ധനാത് മൃത്യോര്‍ മുക്ഷീയ മാമൃതാത് അർത്ഥം. . 🕉 തിരുനെറ്റിയിലുള്ള ത്ര്യംബകത്തിൽ നടക്കുന്ന മഹായജ്‌ഞം..!! 🕉 “പഞ്ചഭൂതങ്ങളെക്കൊണ്ട് സൃഷ്ടവും പൂർണ്ണവുമായ ഈ ശരീരത്തെ വെടിഞ്ഞു മറ്റൊരു ശരീരം സ്വീകരിക്കുന്നതും അത് ആവർത്തിക്കുന്നതുമായ കാലചക്രനിയമങ്ങളാൽ ബന്ധിതമായതുമായ ജനനമരണങ്ങളിൽ നിന്നും മുക്തമായിക്കൊണ്ട്  അമൃതത്വത്തെ സ്വീകരിക്കുവാനായി തിരുനെറ്റിയിലെ യജ്ഞസ്ഥാനമായ ത്ര്യംബകത്തിൽ ശിവവും ജീവാത്മാവുമൊരുമിക്കുന്ന മഹായജ്ഞം എന്നിൽ സംഭവിക്കേണമേ..“ പദ അർത്ഥം    ത്ര്യംഭകം - തിരുനെറ്റിയിലെ യജ്ഞസ്ഥാനം    യജാമഹേ. - മഹായജ്ഞം നടക്കട്ടെ..   സുഗന്ധിം. - ഭൂമിയടക്കമുള്ള പഞ്ചഭൂതങ്ങൾ    പുഷ്ടി. - സൃഷ്ടമായ    വര്‍ധനം. - നിലനി...

അയ്യപ്പന്മാരുടെ ശ്രദ്ധയ്ക്ക് 🙏 പ്രധാന ക്ഷേത്രങ്ങളിലെ ദർശന സമയം  കാടാമ്പുഴ ഭഗവതിക്ഷേത്രം രാവിലെ : 5Am ➖ 11Am വൈകിട്ട് : 3:30Pm ➖ 7Pm ഗുരുവായൂർ ശ്രീകൃഷ്ണക്ഷേത്രം  രാവിലെ : 3Am ➖ 1Pm വൈകിട്ട് :3Pm ➖ 9Pm തൃപ്രയാർ ശ്രീരാമസ്വാമിക്ഷേത്രം  രാവിലെ : 4.30Am ➖ 12Pm വൈകിട്ട് : 4.30Pm ➖ 8:30Pm കൊടുങ്ങല്ലൂർ ഭഗവതിക്ഷേത്രം  രാവിലെ : 4Am ➖ 12Pm വൈകിട്ട് : 4.30Pm ➖ 8Pm ചോറ്റാനിക്കര ഭഗവതിക്ഷേത്രം  രാവിലെ : 3:30Am ➖ 12Pm വൈകിട്ട് : 4Pm ➖ 8Pm കീഴ്ക്കാവ് ഗുരുതി  രാത്രി : 8.30Pm വൈക്കം മഹാദേവക്ഷേത്രം  രാവിലെ : 4Am ➖ 12Pm വൈകിട്ട് : 5Pm ➖ 8Pm കടുത്തുരുത്തി മഹാദേവക്ഷേത്രം  രാവിലെ : 4Am ➖ 12Pm വൈകിട്ട് : 5Pm ➖ 8Pm മള്ളിയൂർ ഗണപതിക്ഷേത്രം  രാവിലെ : 4.30Am ➖ 12:30Pm വൈകിട്ട് : 4.30Pm ➖ 8Pm ഏറ്റുമാനൂർ മഹാദേവക്ഷേത്രം  രാവിലെ : 4Am ➖ 12Pm വൈകിട്ട് : 5Pm ➖ 8Pm കിടങ്ങൂർ സുബ്രഹ്മണ്യക്ഷേത്രം  രാവിലെ : 5Am ➖ 11:30Am വൈകിട്ട് : 5Pm ➖ 8Pm കടപ്പാട്ടൂർ മഹാദേവക്ഷേത്രം  രാവിലെ : 4Am ➖ 12Pm വൈകിട്ട് : 4Pm ➖ 8Pm എരുമേലി വാപുര ക്ഷേത്രം + ശാസ്താ ക്ഷേത്രം  ...

*"പവിത്രം പാപനാശനം ..."  ദർഭപുല്ലിനെ  എന്തുകൊണ്ടാണ്  "പവിത്രം " എന്ന് വിളിക്കുന്നത് ?* ദക്ഷപ്രജാപതിയുടെ പുത്രിയും,  കശ്യപമഹർഷിയുടെ പത്നിമാരും ആയിരുന്നു  നാഗമാതാവ് കദ്രുവും, ഗരുഡന്റെ മാതാവ് വിനതയും.   ദേവേന്ദ്രന്റെ പാൽ നിറമുള്ള ഉച്ചൈശ്രവസ്സ് എന്ന വെള്ളകുതിര ആകാശത്തു കൂടി പറന്നു പോകുന്നത് ആശ്രമ മുറ്റത്തിരുന്നു കണ്ട  വിനത, കദ്രുവിനോട്  പറഞ്ഞു..  .ദേവന്മാരും അസുരന്മാരും ചേർന്ന് പാൽകടൽ കടഞ്ഞപ്പോൾ കിട്ടിയ കുതിരയാണ്...  എത്ര നല്ല ഭംഗിയാണ്,  നല്ല പഞ്ഞിപോലെ മനോഹരം ആണല്ലോ ഉച്ചൈശ്രവസ്സ്...   ഇത് കേട്ട് സപത്നിയും സഹോദരിയുമായ  കദ്രു പറഞ്ഞു,...  കുതിര മനോഹരം തന്നെ.. പക്ഷെ അതിന്റെ വാലിന്റ അറ്റത്തു ലേശം കറുപ്പ് നിറം ഉണ്ടല്ലോ വിനതെ...  രണ്ടു പേരും പരസ്പരം പന്തയം വെച്ചു.  ജയിക്കുന്ന  ആളിന്റെ ദാസിയാവുക തോൽക്കുന്ന ആൾ...   നാഗമാതാവായ കദ്രു കറുത്ത സർപ്പങ്ങളെ വിളിച്ചു പിറ്റേ ദിവസം പഞ്ഞിപോലെ വെളുത്ത ദേവേന്ദ്രന്റെ കുതിരയുടെ വാലിൽ  കടിച്ചു തൂങ്ങി കിടക്കാൻ പറഞ്ഞു..  പിറ്റേ ദിവസം കുതിര ആകാ...

** വ്രതശുദ്ധിയുടെ നാളുകൾ ** മണ്ഡലകാല തീർത്ഥാടനത്തിനായി ശബരിമല ഒരുങ്ങി  * പൂജകൾ 16ന് പുലർച്ചെ 3 മുതൽ * ശബരിമല മണ്ഡലകാല തീർത്ഥാടനത്തിനായി ക്ഷേത്രനട ഇന്ന് (15) തുറക്കും. വൈകിട്ട് 5ന് തന്ത്രിമാരായ കണ്ഠര് രാജീവര്, കണ്ഠര് ബ്രഹ്മ‌ദത്തൻ എന്നിവരുടെ സാന്നിധ്യത്തിൽ നിലവിലെ മേൽശാന്തി പി.എൻ.മഹേഷാണ് നട തുറക്കുന്നത്. തുടർന്ന് മാളികപ്പുറം ക്ഷേത്രം തുറക്കാനായി അവിടുത്തെ മേൽശാന്തി പി.എം.മുരളിക്കു താക്കോലും ഭസ്മവും നൽകിയശേഷം പതിനെട്ടാംപടിയിറങ്ങി ആഴി തെളിക്കും. അതിനു ശേഷം ഭക്ത‌ർക്കായി പതിനെട്ടാംപടിയുടെ വാതിൽ തുറക്കും. ശബരിമലയിലെയും മാളികപ്പുറത്തെയും നിയുക്‌ത മേൽശാന്തിമാർ ആദ്യം പടികയറും. നാളെ ഭക്തർക്ക് ദർശനവും പുതിയ മേൽശാന്തിമാരുടെ സ്ഥാനാരോഹണവും മാത്രമേയുള്ളു. പൂജകൾ ഇല്ല. പുതിയ മേൽശാന്തിമാരായ എസ് അരുൺ കുമാർ നമ്പൂതിരി, വാസുദേവൻ നമ്പൂതിരി (മാളികപ്പുറം)യുടെ സ്ഥാനാരോഹണം വൈകീട്ട് ആറ് മണിക്കാണ്. തന്ത്രിമാരുടെ കാർമ്മികത്വത്തിൽ കലശം പൂജിച്ച് അഭിഷേകം ചെയ്യും. പിന്നീട് കൈപിടിച്ച് ശ്രീകോവിലിൽ കൊണ്ടുപോയി മൂലമന്ത്രം ചൊല്ലിക്കൊടുക്കും.    ആദ്യം ശബരിമല ക്ഷേത്രത്തിലെയും പിന്നീട് മാളികപ്പുറത്തെയു...

മാലയിടുമ്പോള്‍ ഈ മന്ത്രം ചൊല്ലുക ജ്ഞാനമുദ്രാം ശാസ്ത്രമുദ്രാം ഗുരുമുദ്രാം നമാമ്യഹം . വനമുദ്രാം ശുദ്ധമുദ്രാം രുദ്രമുദ്രാം നമാമ്യഹം .. 1.. ശാന്തമുദ്രാം സത്യമുദ്രാം വ്രതമുദ്രാം നമാമ്യഹം . ശബര്യാശ്രമസത്യേന മുദ്രാ പാതു സദാപി മാം .. 2.. ഗുരുദക്ഷിണയാ പൂർവം തസ്യാനുഗ്രഹകാരിണേ . ശരണാഗതമുദ്രാഖ്യം ത്വന്മുദ്രാം ധാരയാമ്യഹം .. 3.. ചിന്മുദ്രാം ഖേചരീമുദ്രാം ഭദ്രമുദ്രാം നമാമ്യഹം . ശബര്യാചലമുദ്രായൈ നമസ്തുഭ്യം നമോ നമഃ .. 4.. വ്രതം സമാപിച്ച് മാല അഴിക്കുമ്പോള്‍ ഈ മന്ത്രം ചൊല്ലുക അപൂർവമചലാരോഹ ദിവ്യദർശനകാരണ . ശാസ്ത്രമുദ്രാത്മക ദേവ ദേഹി മേ വ്രതവിമോചനം ..

*ശബരിമല അയ്യപ്പ വിഗ്രഹത്തിന്റെ ആത്മീയ തത്വം* ഭാരതത്തിലെ ഏതാണ്ട് മിക്ക സംസ്ഥാനങ്ങളിലുമുള്ളവര്‍ ശ്രീ അയ്യപ്പനെന്നെ ദേവതാസങ്കല്പത്തെ ആത്മീയമായി ഉള്‍ക്കൊള്ളുന്നവരാണ്. ഇത്രയധികം ജനലക്ഷങ്ങള്‍ എത്തിച്ചേരുന്ന ഒരു ആരാധനാലയം ശബരിമലപോലെ വേറെയുണ്ടോയെന്ന് സംശയമാണ്. വൃശ്ചികം ഒന്നു മുതല്‍ 41 ദിവസത്തെ മണ്ഡലവ്രതകാലം. ഓരോ ആചാരത്തിലും ഒളിഞ്ഞിരിക്കുന്ന നന്മകള്‍- അന്തസത്തകള്‍ ഉള്‍ക്കൊണ്ട് ആചരിക്കുന്ന ഭക്തരെ അപാര നന്മയിലേക്കും മാറ്റങ്ങളിലേക്കും വിധേയരാക്കും. എന്നാല്‍ ഭക്തസമൂഹത്തില്‍ എത്രപേര്‍ ഈ ആത്മീയത ഉള്‍ക്കൊണ്ട് ശബരിമല ദര്‍ശനം നടത്തുന്നുണ്ട് എന്ന ചോദ്യം നിലനില്‍ക്കുന്നു. ശബരിമല സന്നിധാനത്തില്‍ എഴുതിവച്ചിട്ടുള്ള 'തത്ത്വമസി' അഹംബ്രഹ്മാസ്മി എന്നതിന്റെ അര്‍ത്ഥം എത്ര പേര്‍ ഉള്‍ക്കൊണ്ടിട്ടുണ്ട്. ശ്രീ അയ്യപ്പ വിഗ്രഹത്തിന്റെ ആത്മീയ തത്വത്തിലേക്ക് ഒന്നെത്തിനോക്കാം. സനാതന ധര്‍മ്മത്തില്‍ ഏറ്റവും കൂടുതല്‍ ആരാധിക്കുന്ന ഒരു ദേവതാ സങ്കല്പമാണ് ശ്രീ അയ്യപ്പന്‍. എന്നാല്‍ ഈ അയ്യപ്പസങ്കല്പം ഏറെ വിമര്‍ശനവിധേയവുമാണ്. അതില്‍ ഒന്ന് അയ്യപ്പന്റെ അരയിലെ തുണി (പട്ട) കെട്ടിയിരിക്കുന്നത്. രണ്ട്- അയ്യപ്പന്റെ മാതൃപി...

തെക്കേടത്തു ശ്രീ നരസിംഹമൂർത്തി 🥰🙏🏻 . ശ്രീപത്മനാഭന്റെ ചെറുചുറ്റിന് പുറത്ത്, ചുറ്റമ്പലത്തിന്റെ തെക്ക് ഭാഗത്ത് പ്രത്യേകം ശ്രീകോവിലിനുള്ളിൽ തറയുടെ നിരപ്പിൽ നിന്നും താഴ്ന്ന അവസ്ഥയിലാണ് നരസിംഹസ്വാമിയുടെ പ്രതിഷ്ഠ. ഉഗ്രതയുടെ പര്യായമെന്ന് വിശേഷിപ്പിക്കാവുന്ന പ്രതിഷ്ഠയാണ് ഭഗവാന്റേത്. രണ്ട് കാലുകളും മടക്കി വെച്ച് യോഗപട്ട ബന്ധത്തോട് കൂടി രണ്ട് കൈകളിൽ ശംഖ്-ചക്രങ്ങളോട് കൂടി ബാക്കി രണ്ട് ബാഹുക്കൾ നീട്ടി ഇട്ടിരിക്കുന്നതാണ് ഭഗവാന്റെ രൂപം. ഉഗ്രനരസിംഹമായും യോഗനരസിംഹമായും കൽപ്പിക്കപ്പെടുന്ന ഈ മൂർത്തി അത്യുഗ്രനും ക്ഷിപ്രപ്രസാദിയുമാണ്. സ്വാമിയുടെ ഉഗ്രത കുറയ്ക്കുന്നതിനു വേണ്ടി നിശ്ചിത സമയങ്ങളിൽ ഭഗവാന്റെ മുൻവശത്ത് ദീർഘമായ പടികളിൽ ഒരു വൈദികൻ രാമായണം വായിക്കാറുണ്ട്. ശ്രീപത്മനാഭസ്വാമിയുടെ അകത്തെ ബലിവട്ടത്തിന് ഉള്ളിൽ തന്നെയാണ് ഈ പ്രതിഷ്ഠ. ഒരേ ബലിവട്ടത്തിൽ തന്നെ ഒരു ദേവന്റെ ഏറ്റവും ശാന്തമായ രൂപവും ഏറ്റവും രൗദ്രമായ രൂപവും കുടികൊള്ളുന്ന അപൂർവങ്ങളിലപൂർവമായ സങ്കേതമാണ് ശ്രീപത്മനാഭസ്വാമി ക്ഷേത്രം. രാത്രികാലങ്ങളിൽ തെക്കേടം ഭാഗത്ത് നിന്ന് അദൃശ്യമായ സിംഹത്തിന്റെ ഗർജനം കേട്ടിട്ടുള്ളതായി പലരും പറഞ്ഞിട്ടുണ്ട്...

ദേവീ ഉപാസനയ്ക്ക് ഏറ്റവും പ്രധാനമാണ് നവരാത്രി മഹോത്സവം. കന്നിമാസത്തിലെ കറുത്തവാവ് കഴിഞ്ഞ് വരുന്ന പ്രഥമ മുതൽ ദശമി വരെയുള്ള ഒൻപത് രാത്രിയും പത്ത് പകലും നീണ്ടു നിൽക്കുന്ന പുണ്യദിനങ്ങളാണ് നവരാത്രി കാലമായി ആചരിക്കുന്നത്. ഈ ദിവസങ്ങളിൽ ദേവി ആദിപരാശക്തിയുടെ ഒൻപത് രൂപങ്ങളെ ആരാധിക്കുന്നു. നവരാത്രിയിലെ ആദ്യത്തെ മൂന്ന് ദിവസം ഭഗവതിയെ മഹാകാളിയായും അടുത്ത മൂന്ന് ദിവസം മഹാലക്ഷ്മിയായും അവസാനത്തെ മൂന്ന് നാൾ മഹാസരസ്വതിയായും സങ്കൽപ്പിച്ച് പൂജ നടത്തുന്നു. മറ്റൊരു രീതിയിൽ ശൈലപുത്രി, ബ്രഹ്മചാരിണി, ചന്ദ്രഘണ്ഡാ, കൂശ്‍മാണ്ഡ, സ്‍കന്ദമാതാ, കാത്യായനീ, കാളരാത്രീ, മഹാഗൗരി, സിദ്ധിധാത്രി എന്നിങ്ങനെ ദുർഗ്ഗയുടെ ഒൻപത് ഭാവങ്ങളേയും ആരാധിക്കുന്നു. നവരാത്രിയിലെ ഓരോ ദിവസവും ഓരോ സങ്കല്പമായും അല്ലെങ്കിൽ കാളി, ലക്ഷ്മി, സരസ്വതി എന്നീ മൂർത്തികളെ മാത്രമായും ആരാധിക്കാം. നവരാത്രി വ്രതം ഈ വര്‍ഷത്തെ നവരാത്രി വ്രതം ഒക്ടോബര്‍ 3 മുതലാണ് ആരംഭിക്കുന്നത്. വ്രതചിട്ടകൾ മത്സ്യമാംസാദികൾ ഉപേക്ഷിച്ച് ബ്രഹ്മചര്യ വ്രതമെടുത്ത് നിത്യം രണ്ടുനേരവും ദേവീക്ഷേത്രദർശനം നടത്തുക. ഏതെങ്കിലും ഒരു ക്ഷേത്രത്തിൽ ദർശനം നടത്തിയാലും മതി. ഉച്ചയ്ക്ക് ഒരു നേരം ഊണും രാവില...