രാംലല്ല വിഗ്രഹത്തിലെ കണ്ണുകള്‍
രാംലല്ല വിഗ്രഹത്തിലെ കണ്ണുകള്‍ കൊത്തിയ സ്വര്‍ണ ഉളിയും വെള്ളി ചുറ്റികയും പങ്കുവച്ച് അരുണ്‍ യോഗിരാജ്...അയോദ്ധ്യയിലെ രാംലല്ല വിഗ്രഹം കണ്ടവരെ ആകര്‍ഷിച്ച ഒന്നാണ്, അതിന്റെ മനോഹരമായ നേത്രങ്ങള്‍. അഞ്ചു വയസുകാരന്റെ ജീവസുറ്റ മിഴികളില്‍ കുസൃതിയും, സ്‌നേഹവും, ദയയും ദര്‍ശിച്ചവര്‍ അനവധിയാണ്. വിഗ്രഹത്തിലെ മിഴികള്‍ നിര്‍മിച്ച സ്വര്‍ണ ഉളിയും വെള്ളി ചുറ്റികയും സമൂഹമാദ്ധ്യമത്തില്‍ പങ്കുവച്ചിരിക്കുകയാണ് ശില്പി അരുണ്‍ യോഗിരാജ്.
ദൈവികതയും നിഷ്‌കളങ്കതയും തുളുമ്പിയ ആ കണ്ണുകള്‍ നിര്‍മിക്കാന്‍ 20 മിനിറ്റാണ് എടുത്തതെന്ന് മുന്‍പ് അദ്ദേഹം പറഞ്ഞിരുന്നു. കണ്ണുകള്‍ ഉണ്ടാക്കും മുമ്പ് താന്‍ സരയൂ നദിയില്‍ കുളിച്ചുവെന്നും, ഹനുമാന്‍ ഗഡിയിലും കനക് ഭവനിലും പ്രാര്‍ത്ഥിച്ചുവെന്നും അദ്ദേഹം പറഞ്ഞു. 10 തരം കണ്ണുകള്‍ ഉണ്ടാക്കാന്‍ അറിയാമായിരുന്നതിനാല്‍ ഞാന്‍ വളരെ ആശയക്കുഴപ്പത്തിലായിരുന്നു. പിന്നെ, എനിക്ക് ഏറ്റവും നല്ലതെന്ന് തോന്നിയത് തീരുമാനിച്ചു. അദ്ദേഹം പറഞ്ഞു.... കടപ്പാട് ജന്മഭൂമി Online
Posts
0 comments:
Post a Comment